Rusiyanın Ermənistanda yerləşən hərbi bazasında irimiqyaslı hərbi təlimlər keçiriləcək.

Axar.az RİA Novosti-yə istinadən xəbər verir ki, bu barədə Cənub Hərbi Dairəsinin mətbuat xidmətindən məlumat verirlib.

Məlumata görə, Kamxud və Alagöz təlim-tədris poliqonunda keçiriləcək təlimlər oktyabrın 13-dən 19-na kimi davam edəcək.

Təlimlərdə 3 minə yaxın hərbçi və 500-dən çox hərbi texnika iştirak edəcək. Rusiya Aviasiya birləşməsinin İrəvanın "Erebuni" aerodromunda yerləşən Miq-29 qırıcıları da təlimlərə qatılacaq.

Məlumatda bildirilib ki, təlimlər döyüş hazırlığının yoxlanılması məqsədini daşıyır. Taktiki hazırlıqlarda 30 mindən çox artilleriya mərmisinin istifadəsi nəzərdə tutulur.