Rusiya Müdafiə Nazirliyi könüllülərdən ibarət ehtiyat ordu yaratmaq üçün layihə üzərində işləyir.

Axar.az xəbər verir ki, ehtiyat ordunun əsgərləri mülki həyatda öz işlərinə davam edəcəklər. Lakin onlar hərbi təlimlərdə müntəzəm iştirak etməlidirlər. Rezerv əsgərlərə əlavə maaş da veriləcək.

Rusiya bununla könüllüləri bir araya toplayaraq, gələcəkdə baş verə biləcək hər hansı bir müharibədə istifadə etməyi planlaşdırır. Rəsmilər bu addımın Rusiya ordusunun döyüş hazırlığını qaldıracağını düşünürlər.

Qeyd edək ki, oxşar təcrübədən ABŞ da istifadə edir. ABŞ İraq və Əfqanıstanda təxminən 300 min könüllü döyüşçünün xidmətindən yararlanıb.