ABŞ Dövlət katibi Con Kerri Qəzza şəhərinin bərpa edilməsi üçün Misirin paytaxtı Qahirədə keçirilən konfransda iştirak edib.

Axar.az Haberturk-ə istinadən xəbər verir ki, mətbuata açıqlama verən Dövlət katibi İŞİD-in Suriyanın Hələb şəhərinə aid Ayn əl-Ərəb (Kobani) mahalını mühasirəyə alması məsələsinə toxunaraq baş verənləri faciə adlandırıb.

ABŞ-ın Kobanidəki vəziyyətdən narahat olduğunu bildirən Kerri İŞİD-ə qarşı mübarizə aparan koalisiyadakı ölkələrin toplanması üçün zamana ehtiyac olduğunu qeyd edib.

Xatırladaq ki, Kobanidə bir müddətdir ki, kürd terror qruplaşmaları ilə İŞİD terror təşkilatı arasında qarşıdurmalar yaşanır.