Rusiya Xəzər dəniz donanması bölmələri 2014-cü ilin yekun təlimlərinə başlayıb.

Axar.az xəbər verir ki, bu barədə Rusiya CHD-nin (Cənub Hərbi Dairəsi) mətbuat xidməti məlumat yayıb.

"Yoxlama və başlayan təlimlər çərçivəsində bir sıra taktiki təlimlər keçiriləcək və hər bir təlimdə də 1,5 min hərbçi, 20-ə yaxın gəmi və 50-ə qədər avtomobil, zirehli avtomobil və tank iştirak edəcək", – məlumatda bildirilir.

Gəmilər briqadası qüvvələri - kiçik artilleriya gəmiləri "Volqodonsk" və "Mahaçqala", "Şmel" tipli artilleriya katerləri CHD aviasiyası ilə birlikdə"hava hədəfli" artilleriya atəşləri açacaq, mina-tral qrupları isə mina maneəsi yaradacaq və müxtəlif üsullarla kəşfiyyat axtarışları aparacaqlar.

Qeyd edək ki, Xəzər dənizində və sahil poliqonlarında başlayan taktiki təlim bu il oktyarın 20-dək davam edəcək.