"Ukrayna hökumətinin hazırda dövlət borcuna görə ödənişlər üçün əlavə vəsaitlərə ehtiyacı yoxdur".

Axar.az xəbər verir ki, bu açıqlama ilə Ukraynanın Maliyyə naziri Aleksandr Şlapak çıxış edib.

O, ilin sonuna kimi Ukraynanın öz qaz borcunu ödəyəcəyini bildirib. Aleksandr Şlapak "Amerikanın səsi"nə açıqlamasında Rusiya ilə məhdudiyyətlərin tətbiqindən sonra 5 milyard dəyərində ticarət itkisinin olduğunu deyib:

"Bizim hazırki gündə hansısa əlavə vəsaitə ehtiyacımız yoxdur. Bugünkü gündə bizim əsas problemimiz dövlətin valyuta ehtiyatları ilə bağlıdır. İlin sonuna kimi biz qaz borcunu ödəməli, həmçinin, kömürün Donbasda istehsalı və təchizatının qeyri-mümkünlüyü şəraitində kömür idxal etməliyik. Bundan başqa, Rusiya ilə məhdudiyyətlərin tətbiqindən sonra ticarət itkisini kompensasiya etməliyik. Bunu da hardasa 5 milyard dəyərində qiymətləndiririk".