Fransa Prezidenti Fransua Olland Kobaniyə yardım üçün Türkiyədən Suriya sərhədini açmağı istəyib.

Axar.az xəbər verir ki, Olland açıqlamasında suriyalı kürdlərə yardım etməyin tək yolunun Türkiyənin sərhədi açması olduğunu bildirib.

Olland Kobanini şəhidlər şəhəri kimi xarakterizə edərək beynəlxalq koalisiyada yer alan ölkələrin suriyalı müxaliflərə silah göndərmələrini istəyib. İraq müharibəsində alınan qərarın Suriyada da tətbiq edilməsinin tərəfdarı olduğunu bildirən Olland hər cür dəstək verməyə hazır olduqlarını vurğulayıb.