"Axar.az" xarici mətbuata istinadən xəbər verir ki, Hindistan hökuməti Suriya kimyəvi silahının məhv edilməsi əməliyyatında kömək etməyə hazırdır. Bunun üçün Haaqada təşkil olunan fonda 1 milyon dəyərində maliyyə yardımı təklif etmək qərarına gəlib.

Xəbərdə , həmçinin, o da qeyd edilir ki, Hindistan öz ekspert xidmətini də işə cəlb edə bilər.

Bildirək ki, kimyəvi silahın məhv edilməsində 35 kommersiya kompaniyası da iştirak etməyə hazır olduğunu bildirib. Onların təklifi isə ekspertlər tərəfindən dəyərləndiriləcək.