Xarici mətbuatda ABŞ-ın keçmiş dövlət katibi Hillari Klintonun ABŞ senatorunun qəhvə fincanında əks olunmuş marixuana yarpağına etdiyi zarafatın video yazısı yayılıb.

Axar.az RİA Novosti-yə istinadla bildirir ki, xarici KİV-də yayımlanan video ictimaiyyətdə birmənalı reaksiya doğurmayıb.

Koloradoya işğüzar səfəri zamanı Hillari Klinton ştat senatoru Mark Yudalla qəhvəxanaların birində görüşüb. Görüş zamanı siyasətçilər iki fincan qəhvə sifariş veriblər. Barmen sifarişi yerinə yetirərkən hər fincanda südlə naxış çəkib: Hillari Klinton üzərində donuz sifəti olan, Yudalla isə palıd yarpağı olan südlü qəhvə alıblar.

Klinton özünün qəhvə fincanını görərkən çox təəccüblənib və senatorun fincanına baxıb. "Baxın, sizdə... Nə isə yarpağa oxşayır, - Klinton deyib. – Bu ki marixuana yarpağıdır?"

"Bu, məhz odur", - deyə barmen söhbətə qarışıb. Bu söhbətə siyasətçilər və ətrafdakılar hamısı gülüşüb.

Xatırladaq ki, 2013-cü ildə ABŞ-ın iki ştatında – Vaşinqton və Kolorado ştatlarında marixuananın satışı və istifadəsinə rəsmən icazə verilib.