İŞİD-in təbliğat xarakterli videoçarxlarını hazırlayan şəxs yaxalanıb.

Axar.az xəbər verir ki, Almaniyada həbs olunan 35 yaşlı Fatih dünən ilk məhkəməsinə çıxarılıb.

"Bild" qəzetinin məlumatına görə, Almaniya xüsusi xidmət orqanları bu şəxsi 2009-cu ildən təqib edib. Təqibə səbəb isə Fatihin 2009-cu ildə əl-Qaidə ilə əlaqəyə girməsi olub.

Elə həmin il Almaniya hökuməti tərəfindən ölkədən çıxışı qadağan edilən Faith 2010-cu ildə saxta pasportla Əfqanıstana getmək istəsə də, son anda Türkiyəyə gəlib.

2011-ci ildə Almaniyaya dönən Fatih saxta pasport hazırlamaqda ittima olunsa da, canını pul cəriməsi ilə qurtara bilib.

2013-cü ilin iyununda Türkiyədən Suriyaya keçən Fatih İŞİD-i dəstəkləyən radikal qruplardan birində hərbi təhsil alaraq qarşıdurmalarda iştirak edib.