Ana səhifə Planet |
Rusiya Ukraynanın Avropa Birliyinə inteqrasiyasının qarşısını almır, amma xəbərdarlıq edir ki, bu seçim bizim dövlətimiz üçün iqtisadi nəticələrə səbəb ola bilər.
Axar.az xəbər verir ki, bunu Rusiya Baş naziri Dmitri Medvedyev CNBC telekanalına verdiyi müsahibəsində bildirib.
Medvedyev müsahibəsində Ukraynanın şərqində baş verənləri vətəndaş müharibəsi adlandırıb.
"Ukraynadakı hadisələr bizi çox narahat edir. Biz ilin əvvəlində baş verən dövlət çevrilişinin səbəb olduğu bu vətəndaş müharibəsinin bitməsini istəyirik", - Baş nazir bildirib.
Ukraynanın xarici siyasətindən danışan Medvedyev bildirib ki, Kiyev öz seçimində sərbəstdir:
"Ukrayna öz seçimini edə bilər. İstəsə Avropa Birliyinə daxil ola bilər. Əgər başqa tərəfə də getmək istəyirsə, qoy getsin. Biz hesab edirik ki, Avropa Birliyi ilə iqtisadi münasibətlərdə Ukraynanın qarşısında böyük risqlər dayanır. Lakin bu, Ukrayna rəhbərliyinin öz işidir".
Tarix
2014.10.15 / 13:12
|
Müəllif
Anar Əhmədov
|