"Rusiya sürətlə Çinin xammal üçün istifadə edəcəyi vilayətə çevrilir".

Axar.az xəbər verir ki, bunu rusiyalı siyasətçi Boris Nemtsov öz Feysbuk səhifəsində qeyd edib.

O, Rusiyanın getdikcə müstəqilliyini itirdiyini bildirib:

"Rusiya sürətlə Çinin koloniyasına çevrilir. O, suverenliyini itirir. Bu da Kremlin müasir xarici siyasətinin əsasını təşkil edir".

O, fikrini aşağıdakı faktlarla izah edib:

"Rosneft gələcək təchizat üçün çinlilərdən 70 milyard dollar dəyərində kredit götürüb. Çinlilər Sibirin ən böyük neft yatağından biri olan Vankorda pay əldə ediblər. Putin Çinə ən müasir silahları - Su-35 təyyarələrini satır. Çinlilər dünyanın ən böyük kaliumlu gübrə istehsal edən şirkəti olan "Uralkaliya"nın səhmdarları olub".