"Ebola virusu Amerikanın yeni hiyləsidir. Onlar bunu Afrikada test etdilər. Bu bioloji silahlardan biridir və bütün dünyaya yayılacaq".

Axar.az xəbər verir ki, bu açıqlama ilə Rusiya Liberal Demokrat Partiyasının sədri Vladimir Jirinovski çıxış edib. O, Amerikanın bioloji silahlardan maksimum istifadə etdiyini bildirib:

"Bu günə qədər rus alimləri xərçəngin, qripin və digər xəstəliklərin çarəsini tapa bilməyiblər. İndi də Ebola virusu gəlir. Yaxşı ki, Rusiya Afrikadan uzaqda yerləşir".

Qeyd edək ki, oktyabrın 13-də Liberal Demokrat Partiyası Dövlət Dumasında Ebola virusu ilə əlaqədar müvəqqəti karantin elan edilməsini təklif edib. Lakin bu, Dumada digər partiyalar tərəfindən dəstəklənməyib.