"Ümid edirik ki, tərəfdaşlarımız Rusiyanı şantaj etməyin boş cəhd olduğunu anlayacaqlar. Nüvə silahına sahib ölkələr arasında anlaşılmazlıqlar strateji destabilliyə səbəb ola bilər".

Axar.az xəbər verir ki, bunu Serbiya səfəri öncəsi jurnalistlərə açıqlamasında Rusiya prezidenti Vladimir Putin deyib. Putin xarici ölkələrin davamlı olaraq Rusiyanın daxili işlərinə qarışdığını bildirib:

"Rusiya partnyorları ilə konstruktiv əməkdaşlıq etməyə hazırdır. Burada bərabərlik və qarşılıqlı maraqlara hörmət olunması təməl prinsip olmalıdır. Ümid edirik ki, tərəfdaşlarımız Rusiyanı şantaj etməyin boş cəhd olduğunu anlayacaqlar. Nüvə silahına sahib ölkələr arasında anlaşılmazlıqlar strateji destabilliyə səbəb ola bilər. Vaşinqtonun Kiyevdə Maydan hərəkatı zamanı dəstəklədikləri şəxslər vəhşi millətçilik nəticəsində ölkəni daxili müharibəyə sürüklədi. ABŞ-ın sonradan Ukraynadakı böhrana görə Rusiyanı günahlandırması anlaşılmazdır".