Rusiya hüquq-mühafizə orqanları Dağıstanın Dərbənd şəhərində anti-terror əməliyyatı keçiriblər.

Axar.az İnterfaks-a istinadən xəbər verir ki, Rusiya Milli Anti-terror Komitəsinin verdiyi məlumata görə, əməliyyat zamanı yaşayış binasında olan bir neçə silahlı terrorçu məhv edilib.

"Quldurlara silahı yerə qoymaq təklif olunsa da, onlar hüquq-mühafizə orqanlarına atəş açmağa davam ediblər. Atışma zamanı qanunsuz silahlı birləşmənin bir neçə üzvü zərərsizləşdirilib. Quldurlar "yujdaqovski" silahlı birləşməsinin üzvləri olub. Güc strukturları anti-terror əməliyyatlarını davam etdirirlər", - komitədən bildirilib.