Oktyabrın 15-də cəbhə xəttində atəş pozulmasına rast gəlinməyib. Yalnız bütün istiqamətlərdə bizim öyrəşdiyimiz kiçik atışmalar qeydə alınıb.

Axar.az xəbər verir ki, bunu "Vostok" informasiya mərkəzinin "Kot" ləqəbli əməkdaşı Reqnum agentliyinə açıqlamasında deyib.

Onun sözlərinə görə, Kiyev hökuməti hərbi münaqişəyə türk muzdlularını cəlb edir: "Xunta qoşunları hələ də səngər qazmağa və atəş xəttinə yaxın qüvvələr səfərbər etməyə davam edirlər. Oktyabrın 15-də Xarkovdan Donbasa döyüşmək üçün 400 türk muzdlu döyüşçüsü göndərilib".