Suriya və İraqda qırğınlar törədən, bu ölkələri xaosa sürükləyən İŞİD bu dəfə özü öz tələsinə düşüb.

Axar.az xəbər verir ki, İŞİD Mosul-Zumar yoluna minalar döşəmişdi, ancaq öz üzvləri bu yoldan keçərkən minaya düşüblər. Partlayış nəticəsində 20 terrorçu ölüb, 30-u yaralanıb.

Təşkilat mənsublarının peşmərgə qüvvələrinin keçəcəyi yoldakı körpüyə mina döşədiyi məlum olub. Ancaq minalar tələdən xəbərdar olmayan bir İŞİD konvoyunun keçidi zamanı partlayıb.

Qeyd edək ki, peşmərgə qüvvələrinin geri çəkilməsi ilə İŞİD Şenqalı, bir gün sonra isə Zumarı işğal etmişdi. Təşkilat bölgədə olan neft quyularına nəzarəti ələ keçirmişdi.