ABŞ hələlik Avropada kiçik və orta mənzilli raketlərin ləğvi haqqında razılaşma ilə qadağan edilmiş raketləri yerləşdirməyi planlaşdırmır.

Axar.az xəbər verir ki, bunu jurnalistlərə açıqlamasında ABŞ Prezidentinin milli təhlükəsizlik üzrə müşaviri Con Bolton deyib.

“Bu, ABŞ və alyans üçün qlobal strategiya məsələsidir. Biz müttəfiqlərimizlə bu məsələylə bağlı çox sıx məsləhətləşmələr aparırıq. ABŞ ümumi mövqenin hazırlanması məsələsində optimistdir.

Bu razılaşma çox köhnəlib. Hazırda dünyada bu müqavilə yalnız iki ölkəyə aiddir, üstəlik, Rusiya onun şərtlərini pozur. Bu isə o deməkdir ki, müqaviləyə yalnız bir ölkə sadiqdir. Çin, İran, Şimali Koreya, Hindistan, Pakistan bu müqaviləyə bağlı deyillər. Bizim dəyərləndirməmizə görə, Çində olan ballistik və qanadlı raketlərin üçdə biri bu müqaviləyə ziddir. Bu raketlər bizim Şərqi və Cənubi Şərqi Asiyadakı müttəfiqlərimizə təhdid yaradır. Digər tərəfdən, İranın orta mənzilli ballistik raketlərinin sayı Çindən də çoxdur. Bu isə Avropa ölkələrinə birbaşa təhdiddir”, – deyə o bildirib.