Angela Merkelin Xristian Demokrat İttifaqı Partiyasının sədrliyindən getməsindən sonra Berlinin Moskvaya qarşı münasibəti dəyişməyəcək.

Axar.az xəbər verir ki, bu iddia ilə Almaniya mətbuatı çıxış edib. Bildirilib ki, Merkeli əvəz edəcək potensial namizədlərin heç biri Moskva ilə distansiyanı ləğv etmək niyyətində deyil.

Hazırda Merkeli əvəz edə biləcək potensial namizədlər siyahısında Səhiyyə naziri Yens Şpan, Xristian Demokrat İttifaqı Partiyasının baş katibi Anneqret Kramp Karrenbauerin adları yer alır. Bu şəxslərin hər birinin NATO tərəfdarı olduğu vurğulanıb:

“Onların hər biri Rusiyanın əleyhinə artıq çıxışlar da ediblər. Məsələn, Şpan Almaniyanın hərbi büdcəsini artırmağı təklif edib və buna əsas səbəb kimi Rusiyanı göstərib. Karrenbauer isə Moskvanı Ukraynada beynəlxalq hüququ pozmaqda, Avropada destabilizasiya yaratmaqda ittiham edib”.