Ana səhifə Planet |
2018.11.10 - 20:58
Türkiyə Prezidenti Rəcəb Tayyib Ərdoğan xüsusi təyyarəsi ilə Parisə gedib.
Axar.az xəbər verir ki, Ərdoğan Fransaya Prezident Emmanuel Makronun dəvəti ilə I Dünya müharibəsinin başa çatmasının 100 illiyinə həsr edilmiş tədbirdə iştirak etmək üçün 2 günlük rəsmi səfər edib. Həmçinin səfər çərçivəsində Ərdoğanın bir sıra ölkələrin liderləri ilə ikitərəfli danışıqlar aparması planlaşdırıldığı bildirilib.
Qeyd edək ki, Fransaya Ərdoğanla birlikdə həyat yoldaşı Əminə Ərdoğan, sözçüsü İbrahim Qalın və Xarici İşlər naziri Mövlud Çavuşoğlu da səfər edib.
***
Türrkiyə Prezidenti Rəcəb Tayyib Ərdoğan Fransada BMT-nin Baş katibi Antonio Quterreş ilə görüşüb.
Məlumata görə, görüşdə tərəflər arasında suriyalı qaçqınlar barədə müzakirələr aparılıb.
***
Türkiyə Prezidenti Rəcəb Tayyib Ərdoğan amerikalı həmkarı Donald Trampla Fransa Prezidenti Emmanuel Makronun dövlət və hökumət başçılarının şərəfinə verdiyi axşam yeməyində görüşüb.
Yemək masasında Ərdoğan və Tramp yanaşı əyləşərək söhbət ediblər.
Onların konkret hansı məsələ ətrafında söhbətləşdiyi barədə məlumat verilməyib.
Tarix
2018.11.11 / 01:21
|
Müəllif
Nərmin, Büllurə
|