Ana səhifə Planet |
Fransa Prezidenti Emmanuel Makron Almaniya kansleri Angela Merkellə I Dünya müharibəsinin başa çatmasının 100 illiyi münasibətilə atəşkəs razılaşmasının imzalandığı Retondes vağzalında görüşüb.
Axar.az xəbər verir ki, hər iki lider mərasimdə Almaniya və Fransa razılaşmasının simvolu olan anma lövhəsini Retondes mərkəzinə yerləşdirib. Daha sonra Makron və Merkel 11 noyabr 1918 və 22 iyun 1940-cı il atəşkəslərinin imzalandığı vaqonu ziyarət edərək "Qızıl kitab"a imza atıblar.
Yelisey sarayı görüşlə bağlı yaydığı açıqlamada 1945-ci ildən bu vaxta qədər ilk dəfə Fransa və Almaniya liderlərinin atəşkəsin imzalandığı yerdə görüşdükləri bildirilib.
Qeyd edək ki, noyabrın 11-də Parisdə I Dünya müharibəsinin (1914-1918) 100 illiyi münasibət ilə tədbir keçiriləcək. Tədbirə 98 xarici nümayəndə heyəti və 72 dövlət və hökumət rəhbəri qatılacaq.
Tarix
2018.11.11 / 00:17
|
Müəllif
Büllurə Yunus
|