Ana səhifə Planet |
BBC-nin yayımladığı sənədli filmdə Səudiyyə Ərəbistanı taxtının vəliəhdi Məhəmməd bin Salmanın təlimatı əsasında həyata keçirilmiş cinayətlərdən bəhs edilib.
Teleqraf.com xəbər verir ki, filmdə jurnalist Camal Qaşıqçı və Əli Qaytani cinayətləri ilə yanaşı, həbs edilmiş şahzadələr Mütab bin Abdullah və Vəlid bin Təlala işgəncə verilməsi barədə iddialar yer alıb.
“Vəliəhd şahzadə lupa altında” adlı sənədli filmdə vəkil Mahmud Rüfət bin Salmanın “qara qutusu” adlandırılan polkovnik Əli Qaytaninin şahzadənin təlimatı ilə “Ritz Çarlton” mehmanxanasında öldürüldüyünü iddia edir. O, sözügedən mehmanxanada bir çox iş adamı, şahzadə və nüfuzlu şəxslərə işgəncə verildiyini bildirib.
Filmdə Əli Qaytaninin öldürüldükdən sonra boynu qırılmış halda xəstəxanaya gətirildiyi və ailəsinin baş verənləri gizlətməsi üçün təhdid edildiyi diqqətə çatdırılıb. Eyni zamanda, Salmanın “Bəbir qvardiyası” adlı və müxaliflərin oğurlanması, yaxud öldürülməsi üçün xüsusi olaraq qurulmuş 50 nəfərdən ibarət qrupunun olduğu deyilib.
Tarix
2018.11.11 / 00:05
|
Müəllif
Axar.az
|