Hizbullah Livanın şimalında bu ölkə ordusunun qüvvələrinə hücum edənlərin cəzalandıılmalarını istəyib.

Axar.az İRNA-ya istinadən xəbər verir ki, bu barədə açıqlamanı Hizbullah yayıb.

Bəyanatda Livan ordusu qüvvələrinin başının terrorçularla döyüşə qarışdığı bir vaxtda onlara qarşı hər cür hücumun cinayət və böyük rüsvayçılıq sayılacağı bildirilib. Hizbullah həmçinin bundan öncə də Livan ordusuna sadiq qaldığını, onun təchiz olunmasını dəstəklədiyini vurğulayaraq, ordunu Livanın təhlükəsizliyinə bir zəmanətçi adlandırıb.