Almaniya Federal Kəşfiyyat Təşkilatı Ukraynanın şərqində Malayziya Hava Yollarına aid sərnişin təyyarəsinin vurulması ilə bağlı mövqeyini ortaya qoyub.

Axar.az xəbər verir ki, Donetskdəki təyyarə qəzasını araşdıran alman təşkilatı hesabatını açıqlayıb. Almanların verdiyi məlumatda sərnişin təyyarəsini Rusiya tərəfdarı olan separatçıların vurduğu əks olunub.

ABŞ-ın hesabatı da almanların məlumatı ilə üst-üstə düşür. Separatçıların Rusiyaya məxsus havadan müdafiə sistemindən istifadə edərək birbaşa təyyarəni vuran mərmi atdığı bildirilir.

Xatırladaq ki, bu ilin iyul ayında Donetskdə vurulan təyyarədə 298 sərnişin və ekipaj heyətinin hamısı həyatını itirmişdi.