Avstraliyada parlamentə gələn çadralı qadınların iclasları şüşə arxasından izləməli olduğu haqqında qaydalar ləğv edilib.

Axar.az xəbər verir ki, parlamentdən verilən açıqlamaya görə, çadralı qadınların iclasları məktəb uşaqları üçün nəzərdə tutulmuş şüşəli bölmədən izləməli olduqlarını tətbiq edən qaydalar aradan götürülüb. Bu barədə məlumatı "Anadolu" Agentliyi verib.

Yeni verilən qərara görə, parlamentə girən çadralı qadınlar şəxsiyyətlərinin müəyyənləşməsi üçün qısa müddətlik üzlərini açacaqlar. Şəxsiyyətləri müəyyənləşəndən sonra çadralı müsəlman qadınlar ictimai yerlərdə olduğu kimi parlament iclaslarında da rahat iştirak edə biləcəklər.

Xatırladaq ki, bu qərarı oktyabr ayının əvvəllərində Avstraliya Federal Parlamentinin Nümayəndələr Palatasının spikeri Bronvin Bişop və Senat başqanı Stefen Peri çıxarmışdı.