ABŞ xüsusi xidmət orqanlarının hazırladıqları kürd döyüşçülər Kobaniyə göndərilib.

Axar.az xəbər verir ki, bu barədə İngiltərənin "Tayms" qəzeti məlumat yayıb. Qəzetin xəbərinə görə, hazırlanan kürd döyüşçülərin İŞİD-ə qarşı döyüşdə uğur əldə edəcəyi gözlənilir.

ABŞ rəsmiləri dünən yaydıqları xəbərdə Kobaniyə silah köməyi etdiklərini bildiriblər. Türkiyə isə buna qarşılıq olaraq peşmərgənin Kobaniyə ölkə ərazisindən keçməsinə icazə verib.

İŞİD-in Kobanidə öz mövqelərini gücləndirmək üçün Suriyanın Rakka şəhərindən əlavə qüvvələr gətirdiyi bildirilir.

Türkiyənin bu günə qədər İŞİD-ə qarşı "hərəkətə keçməməsi" çoxlu tənqidlərə səbəb olub. Ancaq suriyalı kürdlər bu günə qədər Türkiyədən yalnız peşmərgənin sərhəddən keçməsinə icazə verilməsini istəyiblər.