Türkiyənin Müdafiə naziri İsmət Yılmaz peşmərgələrin Türkiyə ərazisindən Kobaniyə tərəf keçməsi ilə bağlı ordunun məlumatsız olması iddialarına son qoyub.

Axar.az CNN Türk-ə istinadən xəbər verir ki, Müdafiə naziri İsmət Yılmaz hər şeydən məlumatlı olduğunu xatırladıb:

"Peşmərgələrin Kobani sərhədlərinə daxil olması ilə bağlı xəbərimiz var. Mən ordunun naziriyəm, olanlardan məlumatlıyam. "Peşmərgələrin Kobaniyə keçməsindən xəbərimiz yoxdur" kimi açıqlamamız olmayıb".

Xatırladaq ki, Türkiyə mətbuatında peşmərgələrin Türkiyədən Kobaniyə keçməsindən bölgədəki hərbçilərin xəbərsiz olması ilə bağlı iddialar ortaya çıxmışdı.