Suriya Demokratik Birlik Partiyasının həmsədri Saleh Müslüm Kobanidəki durumla bağlı dəqiq məlumat yayıb.

Axar.az xəbər verir ki, Kobanidəki son vəziyyətə aydınlıq gətirən Saleh Müslüm İŞİD mənsublarının şəhərin şərq və cənubunda şəhərə daxil olduğunu bildirib.

İŞİD-in əlində çox ağır silahlar olduğunu, tank və toplarla hücum etdiklərini vurğulayan Müslüm əllərinə keçən silahların isə kafi olmadığını qeyd edib.

Müslüm peşmərgələrin Kobaniyə göndərilməsi üçün siyasi qərar alındığını, işin yalnız texniki məqamlarının müzakirə ediləcəyini deyib. YPQ həmsədri İŞİD-in daimi olaraq şəhərə girib-çıxdığını açıqlayıb.