Dərbənddə azərbaycanlıların vəzifədən uzaqlaşdırılması əhali arasında narazılığı getdikcə artırır.

Axar.az-ın Dərbəndə ezam olunan əməkdaşının verdiyi məlumata görə, bir vaxtlar yüksək vəzifələrdə təmsil olunan həmyerlilərimiz hazırda vəzifədən uzaqlaşdırılaraq təqiblərə məruz qalıb.

Dərbənd şəhər sovetinin keçmiş sədri Səlim Səfrəddin oğlu Əhmədov son zamanlar rayonda yaranan problemlərin milli ayrı-seçkilik zəmnində yarandığını bildirdi:

"Biz gərək öz mövqeyimizi normal şəkildə ortaya qoyaq. Bizim xalqın normal nümayəndələri var ki, onlar çıxış edərək bütün proseslərdə özlərinin sərbəst şəkildə mövqelərini göstərə bilərlər. Əgər lazımdırsa, burada maliyyə, siyasət və mədəniyyət var. Qurban Qurbanov çıxış edir. Siz görürsünüz ki, onun üçün necə ağırdır. Səsimizi boğurlar. Səslərin kəsilməməsi üçün bütün məsələlərdə davamlı olmaq lazımdır. Demirəm ki, böyük və kiçik olsun. Bütün məsələlərdə davamlı olmaq lazımdır. Gərək daxili rahatlıq tapılsın. Bu qədər. Biz sübut etməliyik ki, bacarıqlıyıq, idarəetməni bacarırıq. Bu, həqiqətən də belədir".