Almaniyanın xarici kəşfiyyat xidməti (BND) Rusiyanın Qərb sanksiyalarına dözəcəyini açıqlayıb.

Axar.az xəbər verir ki, BND Rusiyanın bu təzyiqlərə bir neçə il dözə biləcəyini hesabladıqlarını bildirərək, bu yolla Moskvanın çökdürülməsinin mümkünsüz olduğunu qeyd edib.

Almaniyanın "Bild am Sonntang" qəzetinin kəşfiyyat məlumatlarına əsasən verdiyi məlumata görə, tərtib olunmuş hesabatda Rusiyanın sahib olduğu nağd ehtiyatlar göstərilib.

Belə ki, 619 milyard dollar nağd ehtiyatı olan Rusiya cari ildə bütün sanksiyaların qarşılığında yalnız cüzi miqdarda vəsait xərcləyib.

BND-nin hesabatına görə, əgər Rusiya bütün dünyadan təcrid olunarsa belə, 20 il indiki gücü ilə yaşaya bilər. Hesabatda o da bildirilir ki, Rusiya Avropasız 20 il yaşaya bilər, amma Avropa Rusiyasız bacarmaz.