Çikaqolu qısqanc kişi ABŞ prezidentindən onun rəfiqəsinə toxunmamağı xahiş edib.

Axar.az RİA Novosti-yə istinadla bildirir ki, Çikaqodakı seçkilərdə səsvermə zamanı Prezident Barak Obama Ayya Kuper adlı qadınla yanaşı dayanıbmış. Ayyanın nişanlısı Mayk Cons onların arasına keçərək bildirib: "Cənab prezident, xahiş edirəm, mənim rəfiqəmə toxunmayın".

ABŞ Prezidenti Barak Obama zarafatla deyib ki, belə bir şey onun planına daxil deyildi, lakin vəziyyətdən istifadə etmək qərarına gəlib və qızın yanağından öpərək bildirib ki, dostu onu indi dəqiq qısqanacaq.

Ayya CNN-ə verdiyi intervüdə şokda olduğunu və baş verənlərdən çox əsəbləşdiyini bildirib:

"Mən bilirdim ki, Mayk nə isə gülməli bir şey demək istəyir, amma dəqiq nə deyəcəyini bilmirdim".

Sonra xanım nişanlısına görə üzr istəyib.

Xatırladaq ki, Obama seçkiqabağı mitinqdə qubernatoru dəstəkləmək üçün Çikaqoda olub.