Türkiyə mətbuatında yer alan xəbərlərə görə, İmralı adasında ömürlük həbsə məhkum edilən PKK lideri Abdullah Öcalana ev dustaqlığı təklif edilib.

Axar.az xəbər verir ki, "Yeniçağ" qəzetinin Ankara nümayəndəsi Əhməd Takan belə bir iddia ilə çıxış edərək hökumət nümayəndələri ilə PKK lideri arasında razılıq əldə olunduğunu deyib:

"Baş nazir Əhməd Davudoğlu Apo ilə anlaşmaq üçün xüsusi qrup ayırıb və danışıqlar aparılıb. Bu qrup Öcalana ev dustaqlığı təklif edib".

İddialara görə, bələdiyyə seçkilərindən bir müddət öncə Apo ilə danışıqlar aparan hökumət nümayəndələri "Seçkilərə qədər PKK-nı nümayişlərə buraxma, səni Diyarbəkirə göndərək" təklifini verib.

Jurnalist onu da bildirib ki, bu ilin aprelində keçirilən bələdiyyə seçkiləri zamanı Apoya "geri çəkilmək" barədə məktub yazdırılıb və faktiki razılıq əldə olunub.