Hər həftə Britaniyanın 5 vətəndaşı İŞİD radikal qruplaşması sıralarına qoşulmaq üçün Suriya və İraqa yollanır.

Axar.az RİA Novosti-yə istinadən bildirir ki, bu barədə "Skotland-yard"ın başçısı Bernard Hoqan-Hau məlumat verib.

Onun sözlərinə görə, hazırda Böyük Britaniyanın 500 vətəndaşı münaqişədə iştirak etmək üçün Suriya və İraqa yollanıb. "Çoxları qayıdıb və çoxları da yaxın aylarda, ola bilsin, növbəti illərdə qayıtmaq istəsin", - deyə London polisinin rəhbəri qeyd edib.

O bildirib ki, 2014-cü ildə terror fəaliyyətinin təhqiqatı ilə əlaqədar 218 nəfər həbs olunub. Bu göstərici son üç ildə 70 % artıb.

Xatırladaq ki, BMT-nin məlumatına görə, İŞİD-in törətdiyi qanlı olaylar nəticəsində 2011-ci ilin martından indiyədək 200 min adam həyatını itirib.