Türkiyənin Cümhuriyyət Xalq Partiyasının (CHP) keçmiş bölgə sədri partiyanın gerbini qoyunların üzərinə həkk edib.

Axar.az Türkiyə mətbuatına istinadən xəbər verir ki, Savaştəpə bölgəsinin keçmiş sədri olan Mətin Arslan 50 qoyunun üzərində CHP gerbini çəkib.

Türkiyə mətbuatında böyük narazılıqla qarşılanan bu hadisə ilə bağlı açıqlama verən M.Arslan qəbahət bir iş görmədiyini dilə gətirib: "Mən 25 ildir ki, heyvandarlıqla məşğulam. CHP-nin bölgə sədri olmuşam. Mənsub olduğum partiyanı sevdiyimə görə bu addımı atdım".

45 yaşlı Mətin Arslan bu yolla həm də qoyunlarının başqa qoyunlara qarışmayacağını bildirib: "CHP Türkiyənin ən öndəgedən partiyasıdır. Bu partiyaya vətəndaşlarımız sahib çıxmalıdır. Hər insanın, hər canlının, bütün Türkiyə Cümhuriyyətinin CHP-yə ehtiyacı var".