Rusiya Baş nazirinin müavini Dmitri Roqozin Pentaqon sözçüsü Con Kirbinin səhvən İŞİD-ə atılan silahlarla bağlı "Doğru ünvana göndərmişik" sözlərinə zarafatla cavab verib.

Axar.az xəbər verir ki, Roqozin Vaşinqtonun Yaxın Şərq məsələlərində "başını itirdiyini" deyib:

"Vaşinqtondan Yaxın Şərqdə hansı ünvanın doğru, hansı ünvanın isə səhv olduğunu öyrənmək çox maraqlı olardı. Məncə, onlar başlarını itiriblər və orada öz ünvanlarını yaddan çıxarıblar".

Xatırladaq ki, ABŞ hərbi hava qüvvələri kürd silahlı birləşmələrinə göndərilən sursatı səhvən İŞİD nəzarətində olan əraziyə atmışdı.