Ana səhifə Planet |
Ottavadakı atışma radikal islamçıların ABŞ-a yönlənmiş həyəcan siqnalından başqa bir şey deyil.
Axar.az RİA Novosti-yə istinadən bildirir ki, bu fikri "Alfa" qrupu Veteranları Assosiasiyasının prezidenti Sergey Qonçarov səsləndirib.
"Bu insident radikal islamçıların Kanadada hərçilərə ilk hücumu deyil. Radikal islamçılar artıq dəfələrlə bildiriblər ki, ABŞ və onun müttəfiqlərinə qarşı qarşılıqlı cəza aksiyaları təşkil edəcəklər. Kanada-Amerika sərhədlərinin şəffaflığını nəzərə alsaq, Ottavadakı insidentə terrorçuların həyəcan siqnalı kimi baxmaq olar və məhz belə də baxmaq lazımdır", - deyə Qonçarov bildirib.
Onun fikrincə, Qərb belə bəyanatları diqqətdən kənarda saxlamamalıdır:
"Bədbin olmaq istəmirəm, lakin belə düşünürəm ki, Ottavadakı faciə Kanada və ABŞ-da törədiləcək son terror aktı olmayacaq. Elə təkcə ölkənin Baş nazirinin parlament binasında olduğu an silahlı terrorçunun xüsusi mühafiə olunan parlament binasına belə asanlıqla keçə bilməsi Qərb üçün mümkün qədər tez öyrənilməsi gərəkən bir dərs olmalıdır. Təəccüblüdür ki, İŞİD-ə qarşı ABŞ-la koalisiyaya rəsmən daxil olan Kanada özünün təhlükəsizliyi məsələsində belə səhlənkarlığa yol verir. Mən qərbli həmkarlarıma məsləhət görərdim ki, gözlərindən tiri çıxartsınlar və artıq dərk etsinlər ki, Ottavadakı atışma nə isə unikal bir hadisə deyil, tendensiyaya çevrilməyə başlayır".
Tarix
2014.10.23 / 13:42
|
Müəllif
Təhminə C.B.
|