"Rusiya 2015-ci ilin əvvəllərində Ukraynadan 3 milyard dollar borcunu tələb edəcək və Ukrayna defolt olduğunu elan etməli olacaq".

Axar.az Politnavigator.net-ə istinadən xəbər verir ki, bu açıqlama ilə iqtisadçı Erik Nayman çıxış edib. O, Beynəlxalq Valyuta Fondunun hələ öncədən Ukraynanın 35 milyard dollar itirəcəyini proqnozlaşdırdığını bildirib:

"BVF Krımın və digər ərazilərin itiriləcəyini nəzərə almamışdı. Yəqin ki, 2014-cü ildə Rusiyanın 3 milyard dollar pulu geri tələb etməsi ilə bağlı bir bəhanəsi olacaq. Bu fakta dayanaraq, "Moody`s" agentliyi də Ukraynanın özünü defolt elan edib-etməyəcəyini soruşmur. Sual bunun nə vaxt elan ediləcəyidir. Rusiya borcunu istədiyi zaman Ukrayna defolt elan olunacaq. Məhz bu cür təxminləri xarici investorlar irəli sürürlər. Ona görə də Ukraynanı bu gün batırmırlar, yumşaqca desək, satırlar. Bu gün Ukraynanın defolt olunmağının açarı Rusiyanın əlindədir. Əgər Ukrayna reformaları keçirməsə, defolt sadəcə zaman məsələsinə çevriləcək. Onu mümkün qədər tez etmək daha yaxşıdır".