ABŞ Mərkəzi Qüvvələr Komandiri (CENTCOM) general-leytenant Lloyd Austin İŞİD-in İraq ordusuna məxsus 2500 hərbi avtomobil və çox sayda ağır artilleriya ələ keçirdiyini açıqlayıb.

Axar.az xəbər verir ki, "Vorld Tribun" ("The World Tribune") qəzetinə açıqlama verən general İŞİD-in artıq qarşısıalınmaz olduğunu etiraf edib:

"İŞİD terrorçuları koalisiyanın təşkil etdiyi hücumlardan yayınmaq üçün mülki insanların yaşadığı məntəqələrə sığınır. Buna görə də koalisiya qüvvələrinin hücumları bəhrəsiz olur. Terrorçuları məhv etməkdə çətinlik çəkirik. Son hadisə nəticəsində terrorçuların İraq ordusuna məxsus təchizat vasitələrini ələ keçirməsi İraq ordusuna baha başa gələcək. Ordunun yenidən qurulması xeyli vaxt aparacaq".