Ukrayna Ali Radasının deputatı Andrey Teteruk rusiyalı qadınların ölkəyə girişinin qadağan edilməsini təklif edib.

Axar.az xəbər verir ki, bu barədə Ukrayna televiziyası məlumat yayıb.

“Son illərdə biz ABŞ-da olduğu kimi, Rusiya Federasiyasına casusluq edənlərin məhz qadınlar olmasının şahidi oluruq – bunlar Anna Çapman və Mariya Butinadır. Onlar öz fəaliyyətlərinin öhdəsindən ustalıqla gəldilər. Mən yalnız kişilər üçün məhdudiyyət tətbiq edilməsində bir anlam görmürəm”, - o bildirib.

Teterukun sözlərinə görə, Ukrayna Rusiya ilə viza rejimi tətbiq etməklə bu problemin həllinə birdəfəlik nail olmalıdır.