Feysbukun yaradıcısı Mark Zukerberq Çin dilində sərbəst danışdığını nümayiş etdirib.

Axar.az Lenta.ru-ya istinadən xəbər verir ki, Mark Zukerberq Pekində Sinxua Universitetində çıxışı zamanı Çin dilində danışıb. Onun Çin dilində danışığı və etdiyi zarafatlar yaddaqalan olub.

Sosial şəbəkə təsisçisi oktyabrın 22-də 30 dəqiqəlik sual-cavab sessiyasında iştirak edib.

Sessiya zamanı daha çox insanların internetə qoşulması, İnternet.org layihəsi və Feysbukun inkişaf mərhələləri müzakirə olunub. O, həmçinin Sinxua Universitetinin İqtisadiyyat və idarəetmə fakültəsinin Müşahidə Şurasının üzvü seçilib.

M.Zukerberqin Çin dilini 2010-cu ildən öyrənməyə başlayıb.

O bildirib ki, həmişə Çin mədəniyyəti ilə maraqlanıb, dilin öyrənilməsi isə mədəniyyət haqqında daha məlumatlı olmaq üçün əla vasitədir.

Qeyd edək ki, yoldaşı Prinsella Çan Çin əsilli ABŞ vətəndaşıdır, Çin dilinin Mandarin ləhcəsində danışır.

Xatırladaq ki, Çində Feysbuk və ABŞ-ın digər populyar onlayn servislərinə çıxış rəsmən bağlıdır.