Ana səhifə Planet |
18:44
Türkiyə Prezidenti Rəcəb Tayyib Ərdoğanla ABŞ Prezidenti Donald Tramp və Rusiya Prezidenti Vladimir Putin arasında ikili görüş keçiriləcək.
Axar.az xəbər verir ki, Ərdoğanın G20 sammiti çərçivəsində Trampla bu gün saat 20:20-də ikinci dəfə görüşəcək. Türkiyə liderinin daha sonra rusiyalı həmkarı Putinlə görüşü gözlənilir. Bundan əlavə, Ərdoğan Yaponiya və İngiltərənin baş nazirləri ilə bir araya gələcək.
Qeyd edək ki, bundan əvvəl Türkiyə prezidenti sammit çərçivəsində Trampla ayaqüstü görüşərək söhbətləşib.
***
Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə görüşüb.
Ərdoğan görüşdən əvvəl verdiyi qısa açıqlamada bunları deyib:
"Həyati mövzularda görüşmək imkanımız oldu. İdliblə bağlı dördlü zirvə əhəmiyyət daşıyır. İdliblə bağlı atmağımız lazım olan fərqli addımlar var. Qısa da olsa, İdliblə bağlı görüşü doğru sayıram. "Türk axını" ilə bağlı görüşlər mühüm əhəmiyyət kəsb edir".
***
Ərdoğanla Putinin görüşü başa çatıb. Görüş təxminən 1 saat davam edib.
Görüşdə Putin Ərdoğana bu günə qədər həll edilməyən problemlərin çözümündə yardım etdiyi üçün təşəkkür edib. Putin qeyd edib ki, Ankara Moskva üçün etibarlı tərəfdaşdır:
"Türkiyə siyasətinin müstəqil və etibarlı tərəfdaş olduğunu bir daha təsdiqləmiş oldu. Bu addım milli iqtisadiyyatımızın marağına, bütün Avropanın enerji təhlükəsizliyinin mənafeyinə uyğundur".
Ərdoğan da öz növbəsində Rusiya lideri Vladimir Putinə İdliblə bağlı daha bir zirvə görüşünün keçirilməsini təklif edib.
Tarix
2018.12.01 / 20:05
|
Müəllif
Büllurə Yunus
|