Gürcüstanda müxalifətin mitinqi demokratik proseslərin və xalqın seçki pozuntusuna qarşı reaksiyasının göstəricisidir.

Axar.az xəbər verir ki, bunu BBC-nin Rusiya Xidmətinə müsahibəsində Gürcüstan Prezidenti Georgi Marqvelaşvili deyib.

“Seçkidəki situasiya ən yaxşı hal deyildi. Çoxlu pozuntular oldu ki, xalq da buna indi öz neqativ münasibətini göstərir. Mitinq demokratik prosesdir” – deyə o bildirib.

Qeyd edək ki, bu gün Tiflisdə müxalifət tərəfdarları seçkinin nəticələrinə etiraz olaraq aksiyalara başlayıb.