Fransa Prezidenti Emmanuel Makron Serbiyaya səfərini təxirə salıb.

Axar.az xəbər verir ki, bu barədə Makron serbiyalı həmkarı Aleksandr Vuçiç ilə telefon danışığı zamanı bildirib.

"Makron xahiş etdi ki, Fransadakı vəziyyətlə əlaqədar onun Belqrada səfəri bir neçə həftə təxirə salınsın. Mən ona Parisdə və ümumən Fransada vəziyyətin tezliklə sakitləşəcəyini ümid etdiyimi söylədim", - Vuçiç deyib.

Vuçiç əlavə edib ki, Makronla ikitərəfli münasibətlərin inkişafını və Fransanın Serbiyaya Avropa yolunda verdiyi dəstəyi müzakirə edib.

Qeyd ədək ki, Fransa Prezidenti Emmanuel Makronun Serbiyaya səfəri dekabrın 5-6-da baş tutmalı idi.