Fransa İraqda İŞİD-ə qarşı hərbi əməliyytların tempini sürətləndirmək niyyətindədir.

Axar.az RİA Novosti-yə istinadən bildirir ki, bu barədə Fransa Prezidenti Fransua Olland məlumat verib.

Avropa Birliyi sammitindən sonra jurnalistlər qarşısında çıxış edən prezident bildirib ki, dünən gecə koalisiya İraq kürdlərinin qüvvələrini dəstəkləmək üçün Kərkuk şəhərindən qərb istiqamətindəki ərazilərdə İŞİD-in 60 hədəfini darmadağın edib. Onun sözlərinə görə, Fransa nəzərdə tutulmuş 12 hədəfdən 12-ni də məhv edib.

"Digər hədəflər də nəzərdə tutulub ki, əməliyyatlarımızın tempi sürətlənsin. Hazırkı mərhələdə biz bütün kəşfiyyat məlumatlarını toplamışıq və terror təşkilatına güclü zərbə endirmək üçün hərəkətə keçə bilərik. Bunlar binalar, anbarlar, hərbi vasitələr, partlayıcılar, döyüşçülərdir", - deyə Olland jurnalistlərə bildirib.