Dünyanın yeni böyük kabuslarından olan Ebola virusu artıq yalnız insandan insana deyil, kompüterdən kompüterə də keçir.

Axar.az xəbər verir ki, internetdə "Ebola" adı ilə yayıla virus komputerinizin başqalarının əlinə keçməsinə səbəb ola bilər.

Kompüterlərə Dünya Sağlamlıq Təşkilatı adından istifadə edərək elektron poçt vasitəsi ilə virus göndərən hakerlər bu yolla daha bir qarşısıalınmaz virus yaradıb.

Elektron poçta daxil olduğunuzda rəsmi yazışma dili ilə yazılan məktub görsəniz bunun virus olduğuna əmin ola bilərsiniz.

Bunu bilməyən istifadəçilər isə virusun fərqinə varmadan məktubu açır. Daha bir göndərilən məktubda isə Dünya Sağlamlıq Təşkilatının Ebolaya qarşı insanların hansı profilaktik tədbirlər görməsi ilə bağlı məlumat olduğu deyilsə də bu, virusdan başqa bir şey deyil.