Gürcüstanın yeni seçilmiş prezidenti Salome Zurabişvilinin andiçmə mərasimi Telavi şəhərində keçiriləcək.

Axar.az xəbər verir ki, bunu Zurabişvili özü “İmedi” televiziyasına müsahibəsində deyib. O, inauqurasiyaya diplomatik münasibətlərin olduğu bütün ölkələrin nümayəndələrinin dəvət ediləcəyini bildirib.

Qeyd edək ki, bundan öncəki bütün andiçmə mərasimlərinin hamısı Tiflisdə baş tutub. Budəfəki inauqurasiyanın yeri müxalifətin dekabrın 16-da yenidən genişmiqyaslı etiraz aksiyası keçirmək istəyi ilə əlaqədar dəyişdirilib.