Neft bazarının nümayəndələri ABŞ Prezidenti Donald Trampın OPEK-ə təsirindən narahatdır.

Axar.az xəbər verir ki, bu məlumatı CNBC televiziyası yayıb.

“Hazırda bazar 2008-ci il böhranından bu yana ən dərin uçuruma yuvarlanıb. OPEK-in Vyanadakı görüşünü tarixin ən siyasiləşmiş iclası sayırlar. Bazarın ən böyük qorxusu Trampın OPEK-i idarə etməsidir. OPEK hasilatı 1-1,4 milyon barrel azaldacaq, amma Trampın bununla razılaşacağına dair ciddi şübhələr var”, – deyə məlumatda bildirilib.

Bununla bərabər, Vaşinqtonun artıq Qaşıqçı olayına göz yummağa hazır olduğu, amma bunun qarşılığında səudiyyəlilərdən neft hasilatını artırmağı tələb etdiyi vurğulanıb.

Məlumatda indiyə qədər heç bir ABŞ liderinin OPEK-in işiylə bu qədər maraqlanmadığını da xüsusi olaraq qeyd edilib.