Səudiyyə Ərəbistanının ABŞ-dakı səfiri rəsmən qovulmalıdır və bütün müttəfiqlərimizi də eyni addımı atmağa dəvət edirik.

Axar.az xəbər verir ki, bu sözləri qətlə yetirilən Camal Qaşıqçı cinayəti ilə bağlı açıqlamasında ABŞ senatoru Dik Durbin bildirib.

Durbin vəliəhd Məhəmməd bin Salmanın cinayətə şərik olduğuna heç bir şübhə etmədiyini bildirib və çağırış edib:

"Diplomatik missiyada işlənən bu vəhşicəsinə qətl şiddətlə pislənməlidir. Prezidenti səs qeydlərinin də olduğu bütün kəşfiyyat hesabatlarını nəzərdən keçirməyə və ciddi addım atmağa çağırıram".