Xəbərdarlıq atəşinə məhəl qoymadan irəliləyən 4 avtomobil Türkiyəyə daxil olub.

Axar.az Türkiyə mətbuatına istinadən xəbər verir ki, qarşıdurmaların şiddətli şəkildə davam etdiyi Suriya sərhədində 4 avtomobil oğurlayıb sərhədi keçməyə cəhd edən bir neçə şəxsi, təqib olunmalarına baxmayaraq, ələ keçirmək mümkün olmayıb.

Zirehli nəqliyyat vasitələri ilə təqib olunan naməlum şəxslər sərhədin məftillərini kəsərək Türkiyəyə daxil olmağı bacarıb. Daha sonra gözdən itən 4 avtomobil sürücüsünün suriyalı olduğu ehtimal edilib.

Qeyd edək ki, zirehli vasitələrdən 2 dəfə açılan xəbərdarlıq atəşinə baxmayaraq, naməlum şəxslər avtomobilləri dayandırmayıb.