Rusiyanın məşhur müğənnisi Alla Puqaçovanın qızı Kristina Orbakaytenin oğlu 16 yaşlı Deni Baysarov Çeçenistanda kadet məktəbinə gedib.

Axar.az xəbər verir ki, Çeçenistan rəhbəri Ramzan Kadırov Deni ilə birlikdə olan videosunu özünün fotobloqunda yerləşdirib.

Videoda Deni öz istəyi ilə Çeçenistan prezidentinin doğma kəndindəki kadet korpusunda gənc döyüşçü kursunu keçməyə qərar verdiyini deyir. Puqaçovanın nəvəsi hətta videoda "Allahu Əkbər" də qışqırır.

16 yaşlı yeniyetmənin bu arzusu Kadırovu sevindirib və onu yaxını adlandırıb.

"Mənim əziz qardaşım oğlu Deni Baysarov kadet olmağa qərar verdi. Bu gün o mənim yanıma qonaq gəldi və söhbət zamanı mənə kadet korpusunun kursantı olmaq istədiyini dedi. Onunla kadet korpusuna getdik, müəllimlər gənc döyüşçünü çox hərarətlə qarşıladılar", – Kadırov deyib.