Mənim qətlimlə bağlı planı ABŞ hazırlayıb.

Axar.az xəbər verir ki, bunu dövlət televiziyasında çıxışı zamanı Venesuela Prezidenti Nikolas Maduro deyib. Onun sözlərinə görə, ölüm planına ABŞ Prezidentinin milli təhlükəsizlik üzrə müşaviri Con Bolton rəhbərlik edib:

“Söhbət mənə qarşı sui-qəsddən gedir. Bolton Venesuelaya qarşı planın əsas müəllifidir. Bu plana əsasən, Venesuela və Kolumbiyadan olan 700-dən çox muzdlu sərhəddə hücum həyata keçirəcəkdi”.

Qeyd edək ki, avqustda Venesuela prezidentinə qarşı sui-qəsd təşkil edilib. Venesuela hüquq-mühafizə orqanları hücumla əlaqədar olaraq iki deputatı da həbs edib.